راجوری: جموں و کشمیر کے ضلع راجوری کے سب ڈویژن کوٹرنکہ میں محکمہ صھت کی جانب سے میگا ہیلتھ میلے کا انعقاد کیا گیا۔ اس تقریب کا انعقاد ڈائریکٹر ہیلتھ سروسز جموں ڈاکٹر سلیم الرحمن کی ہدایت پر کیا گیا۔ یہ میلا ضلع ترقیاتی کمشنر راجوری وکاس کندل اور ڈاکٹر شمیم بھٹی، سی ایم او راجوری کی ہدایت پر منعقد ہوا۔ اس میلے میں سیکڑوں افراد نے شرکت کی اور مفت فوائد حاصل کئے۔ تقریب کا افتتاح ایڈیشنل ڈپٹی کمشنر کوٹرنکہ سریندر موہن نے کیا۔ Health Mela held in Kotranka Rajouri
راجوری کے کوٹرنکہ میں ہیلتھ میلے کا انعقاد اس موقع پر بہت سے ماہر ڈاکٹرز بشمول فزیشن، آئی اسپیشلسٹ، گائنکالوجسٹ، ڈینٹل اسپیشلسٹ وغیرہ نے لوگوں کو معیاری طبی چیک اپ کی خدمات فراہم کیں۔ لیب کی خدمات بشمول تھوک کی جانچ بھی موقع پر دستیاب تھی۔ ہائی بلڈ پریشر اور ذیابیطس جیسی غیر متعدی بیماریوں کی میڈیکل اسکریننگ بھی کی گئی۔ عوام کو تمام ادویات مفت فراہم کی گئیں۔ آیوش کاؤنٹر نے بھی اپنی خدمات فراہم کیں۔ یوگا اور دماغی صحت کے کاؤنٹر بھی لوگوں کی ضروریات کو پورا کرتے ہیں۔ Health department kotranka organized block health mela
اس کے علاوہ عوام کو حکومت کی مختلف صحت اسکیموں جیسے کہ ABHA ڈیجیٹل ہیلتھ آئی ڈی، ٹیلی میڈیسن کی سہولیات، صحت کارڈ وغیرہ کے بارے میں آگاہی دی گئی۔ ڈاکٹر اقبال ملک، بی ایم او کنڈی نے مختلف سیکشنز کی پیش رفت کی نگرانی کی اور بلاک کوٹرنکہ کے عوام کے لیے بہترین ممکنہ خدمات کو یقینی بنایا۔ میلے میں کل 1670 مریضوں کی مفت طعبی جانچ کرنےکے بعد مفت ادویات تقسیم کی گئی میڈیکل بورڈ نے پنشن اسکیمز کے لیے 175 بزرگوں کے سرٹیفکیٹ، معذوری کے سرٹیفکیٹ، بیوہ سرٹیفکیٹ وغیرہ جاری کیے ہیں۔ اس دوران عوام کو صحت کی تمام سہولیات فراہم کی گئیں۔ عام لوگوں نے اظہار خیال کیا کہ وہ اس صحت میلے پر ضلعی انتظامیہ اور محکمہ صحت کے بے حد مشکور ہیں۔
