راجوری: کورونا ویکسین لگانے ہر گھر پر دستک

راجوری میں طبی ٹیم پورے جذبے کے ساتھ اپنے فرض کو ادا کررہی ہے۔ طبی ٹیم نے کنڈی دریا پار کر کے لوگوں کو ویکسین لگایا۔

جموں وکشمیر کے ضلع راجوری کےبلاک کنڈی میں کورونا وائرس کو ختم کرنے کے لیے ویکسین ہر جگہ لگائی جا رہی ہے۔ضلع راجوری کی تحصیل کوٹرنکہ کنڈی کی ہیلتھ ٹیم اپنے کام کو دل و جان سے انجام دے رہی ہے۔

بازار سے لے کر گاوں اور گاوں سے لے کر پہاڑوں تک ویکسین کرنے کے لیے طبی ٹیم ہر گھر پر پہنچ رہی ہے۔ چاہے دھوپ ہو یا بارش لیکن ہیلتھ ٹیم کنڈی اپنے کام سے پیچھے نہیں ہٹ رہی۔

اس ضمن میں ڈاکٹر اقبال ملک بی ایم او کنڈی نے بتایا ہے 'ہماری ٹیم کنڈی ہر علاقے میں ویکسین کرنے کے لیے صبح سے شام تک گاؤں میں رہتی ہے۔ اس دوران چاہے بارش ہو یا تیز دھوپ ہو چاہے طوفان سے کیوں نہ ٹکرانا پڑے مگر ہم اپنے کام سے پیچھے نہیں ہٹیں گے اور اپنی عوام کو اس وبا سے چھٹکارا دلانے میں ہر وقت عوام کی خدمت کےلیےتیار ہیں۔'