مکان گرنے سے مالی نقصان

جموں کشمیر کے سرحدی ضلع راجوری کے گاؤں کلیر میں آج صبح اچانک ایک رہائشی مکان زمین دوز ہو گیا جس کے نتیجہ میں گھریلو سامان تباہ ہو گیا۔

مکان گرنے سے کسی بھی طرح کا جانی نقصان نہیں ہوا ہے لیکن اس میں مالی نقصان ہوا ہے۔

بتایا جاتا ہے کے خطہ میں ہو رہی مسلسل بارش کے سبب یہ مکان زمیں دوز ہو گیا۔ وہیں مکان کے مالک سیور جیت سنگھ کے مطابق آج صبح اچانک مکان کی چھت گر گئی۔

انہوں نے کہا کہ گھر کے لوگ باہر تھے تاہم گھر میں رکھا سامان پوری طرح تباہ ہو گیا ۔انہوں نے انتظامیہ سے اپیل کی ہے کے غربت کی وجہ سے وہ گھر کی تعمیر نہیں کر سکتے انتظامیہ کی جانب سے کچھ امداد فراہم ہو تو وہ اپنا گھر پھر سے تعمیر کر سکتے ہیں۔‎