راجوری: سڑک حادثے میں ایک ہلاک، دو زخمی

جموں و کشمیر کے ضلع راجوری میں پیش آئے سڑک حادثے میں ایک شخص ہلاک جبکہ دیگر دو زخمی ہو گئے ہیں۔

تفصیلات کے مطابق راجوری مین بس اسٹینڈ کے قریب ایک حادثہ اس وقت پیش آیا جب ایک بس اُلٹ گئی اور گہری ندی میں جا گری۔

حادثے میں ایک شخص کی موت جبکہ دیگر دو زخمی ہو گئے ہیں۔ ہلاک ہونے والے شخص کی شناخت خوشال احمد ولد نذیر حسین چنگس کے نام سے ہوئی ہے۔

ہلاک ہونے والا شخص ڈرائیور تھا جبکہ دو دیگر افراد زخمی ہوئے ہیں۔ذرائع نے بتایا کہ زخمیوں کو ہسپتال میں داخل کرایا گیا ہے اور لاش کو پوسٹ مارٹم کے لیے بھیج دیا گیا ہے۔