سب ڈویژن تھانہ منڈی کی پنچایت الال کے ڈوئی محلہ میں کیپیکس CAPEX اسکیم کہ تحت بنائی گئی سڑک میں حالیہ بارشوں کی وجہ سے ڈوئی محلہ کے قبرستان کو شدید نقصان پہنچا ہے۔ مقامی لوگوں نے متعلقہ سرپنچ اور محکمہ دیہی ترقی پر الزام عائد کرتے ہوئے کہا کہ انہوں نے جان بوجھ کر قبروں کو نقصان پہنچایا ہے۔ لوگوں نے بتایا کہ مسلسل پسیاں گرنے کی وجہ سے کچھ قبروں کے باقیات بھی سامنے آنے کا خدشہ پیدا ہو گیا ہے۔ عوام کا کہنا تھا کہ پنچایت الال کے ڈوئی محلہ میں یہ ایک قدیم قبرستان ہے جو پہلے ہی بدحالی کا شکار تھا، لیکن اب سڑک کی کٹائی میں آکر مزید تباہی کے دہانے پر پہنچ چکا ہے۔ Graveyard Damage in Mandi
مقامی لوگوں کا کہنا ہے کہ مبینہ طور پر کچھ لوگ ہمارے آبا و اجداد کی قبروں کو نقصان پہنچانا چاہتے ہیں، لیکن وہ کسی بھی صورت میں ایسا ہونے نہیں دیں گے۔ لوگوں نے ضلع ترقیاتی کمشنر راجوری وکاس کنڈل سے اپیل کی کہ وہ اس طرف خصوصی توجہ دیں تاکہ قبروں کا مزید نقصان ہونے سے بچایا جا سکے۔ مقامی نے کہا کہ طوفانی بارشوں سے ہونے والے نقصان کا معقول معاوضہ دیا جائے۔