ضلع راجوری میں یومیہ اجرت پر کام کر رہے محکمہ جل شکتی کے عارضی ملازمین نے احتجاج کرتے ہوئے محکمہ کے اعلیٰ افسران پر ان کی تنخواہیں جان بوجھ کر بند کرنے کا الزام عائد کیا۔
محکمہ جل شکتی سے وابستہ عارضی ملازمین کا راجوری میں احتجاج ضلع راجوری کے سب ڈویزن تھنہ منڈی میں محکمہ جل شکتی سے وابستہ عارضی ملازمین نے احتجاج کے دوران کہا کہ ’’ایک ڈیڑھ سال سے تنخواہ بند ہے مگر ڈیوٹی لگاتارکروائی جا رہی ہے۔‘‘
انہوں نے محکمہ کے اعلیٰ افسران پر الزام عائد کرتے ہوئے کہا کہ ’’کاغذری کارروائی کا مسئلہ اور بہانہ بنا کر ہمیں 16 ماہ سے اجرتوں سے محروم رکھا گیا ہے۔‘‘
احتجاج کر رہے عارضی ملازمین نے کہا کہ کئی مہینوں سے تنخواہ بند ہونے کے سبب وہ اور ان کے اہل و عیال فاقہ کشی کے شکار ہو رہے ہیں۔
انہوں نے انتباہ کرتے ہوئے کہا کہ ’’اگر ہماری اجرتیں جلد واگزار نہیں کی گئیں تو ہم اہل و عیال سمیت احتجاج کرنے پر مجبور ہو جائیں گے۔‘‘
