Heroin Stolen From Court راجوری کورٹ کمپلیکس میں نقب زنی

راجوری کورٹ کمپلیکس سے دوران شب نقب زنوں نے پولیس کی جانب سے ضبط کی گئی اشیاء بشمول منشیات کو اڑا لیا۔ Burglary in Court Complex rajouri

راجوری (جموں و کشمیر):سرحدی ضلع راجوری کےکورٹ کمپلیکس کے مال خانے میں نقب زنی کی واردات واردات میں لٹیروں نے مبینہ طور چرس، ہیروئن، نشیلی ادویات سمیت نقدی، جس میں جعلی کرنسی بھی شامل ہے، اڑا لی۔ ذرائع کے مطابق دوران شب نقب زنوں نے ضلع کورٹ راجوری کے مال خانے کی دیوار کو بڑی ہوشیاری کے ساتھ توڑکر چوری کی یہ واردات انجام دی۔

نقب زنی کا یا یہ واقعہ اُس وقت پیش آیا جب کورٹ کمپلکس کے مین گیٹ پر پولیس موجود تھی تاہم اس کے باوجود نقب زنوں نے پیچھے کے راستے دیوارکو توڑ کر اتنی بڑی واردات کو انجام دیا۔ واردات کی اطلاع موصول ہوتے ہی پولیس کے اعلیٰ حکام بھی موقع پر پہنچے اور واردات سے متعلق جانچ شروع کی۔ پولیس نے اس ضمن میں مزید تفصیلات فراہم نہیں کی تاہم ذرائع سے معلوم ہوا ہے کہ نقب زنوں نے پولیس کی جانب سے ضبط کی گئی مختلف اشیاء کو اڑا لیا ہے جس میں چار کلو ہیروئن، ڈیڑھ کلو چرس، ایک لاکھ روپے جعلی کرنسی، تریپن ہزار کی دیگر کرنسی، پانچھ سو کپسول شامل ہیں۔

ذرائع کے مطابق کورٹ کمرے سے غائب ہوئے سامان کی چھان بین کی جا رہی ہے اور اس کے علاوہ بھی کوئی اور سامان چوری ہو سکتا ہے۔ پولیس نے اس معاملے میں چھان بین شروع کر دی ہے۔ اور شہر کے بیچوں بیچ اتنی بڑی کارروای کو انجام دینا معمولی بات نہیں۔ کسی آفیشل کی ملی بھگت کے بغیر اس طرح کی کارروائی انجام دینا بظاہر مشکل معلوم ہوتا ہے۔

راجوری پولیس نے اس ضمن میں ایک کیس زیر درج کر کے مزید تحقیقات شروع کر دی ہے۔ فی الحال پولیس کی جانب سے اس ضمن میں کوئی بھی بیان سامنے نہیں آیا ہے۔