جموں: جموں و کشمیر کے ضلع راجوری کے سندربنی علاقے میں منگل کو ایک غیر مقامی مزدور کی لاش درخت سے لٹکی ہوئی پائی گئی۔ سرکاری ذرائع نے بتایا کہ راجوری کے سندربی بنی کے جگی علاقے میں رہائش پذیر ایک غیر مقامی مزدور کو ایک درخت کے ساتھ لٹکے ہوئے دیکھا گیا۔Body of Non Local Found Hanging
انہوں نے کہا کہ وہاں مقیم دوسرے مزدورں نے لاش کو دیکھتے ہی پولیس کو مطلع کیا۔ ان کا کہنا تھا کہ اطلاع موصول ہوتے ہی ایک پولیس پارٹی جائے واردات پر پہنچی اور مذکورہ مزدور کو سب ضلع ہسپتال سندربنی پہنچایا جہاں ڈاکٹروں نے اس کو مردہ قرار دیا۔ متوفی کی شناخت رامشری ولد سونا لال ساکن مدھیہ پردیش کے بطور کی گئی ہے۔
دوسری جانب شمالی کشمیر کے ضلع بارہمولہ میں دریائے جہلم میں غرقآب ہونے والے شخص کی لاش دو روز بعد منگل کی صبح بر آمد کی گئی۔ سرکاری ذرائع نے بتایا کہ بارہمولہ کے درنگہ بل گاؤں سے تعلق رکھنے والا 45 سالہ رفیق احمد میر دو روز قبل دریائے جہلم میں غرقآب ہوا تھا۔ انہوں نے کہا کہ وقعہ پیش آتے ہی بڑے پیمانے پر ریسکیو آپریشن شروع کیا گیا تھا اور منگل کی صبح لاش کو دریا سے بر آمد کیا گیا۔