بی جے پی سینئر رہنما ٹھاکر پورن سنگھ کا کورونا سےانتقال

ضلع راجوری کے بدہل حلقہ سے تعلق رکھنےوالے بی جے پی کے سینئر رہنما و سابق وزیر ٹھاکر پورن سنگھ کا کورونا سےانتقال ہوگیا۔

اطلاع کے مطابق چندروز قبل ہی ٹھاکر پورن سنگھ اتراکھنڈ میں لگے کمبھ میلے سےواپس آئے تھے، کہ اچانک طبیعت بگڑنے کے بعد انہیں مختلف ہسپتالوں میں لے جایا گیا، پھر انہیں پنجاب لے جایا جا رہا تھا کہ راستےمیں انہوں نے دم توڑ دیا۔

آپ کو بتادیں کہ ٹھاکرپورن سنگھ سنہ 2002 میں اسمبلی حلقہ بدہل سے بطور آزاد امیدوار انتخابات جیت کر بطور فاریسٹ منسٹررہے۔ بعدازاں انہوں نےکانگریس پارٹی میں شمولیت اختیار کرلی پھر دوبارہ بھارتیہ جنتا پارٹی میں شمولیت اختیار کی، چندروز قبل جموں سے اتراکھنڈ کمبھ میلے سے لوٹنے کے بعد وہ کورونا مثبت پائے گئے تھے۔

جموں کےمختلف ہسپتالوں میں علاج کے باوجود انہیں مکمل صحتیابی نہیں مل سکی، جس کے بعد انہیں پنجاب لے جایا جا رہا تھا، تبھی راستے میں ان کی موت ہوگئی۔آخری رسومات ان کے آبائی گاؤں کیول بدہل میں اداکی گئی۔