راجوری میں اسلحہ بارود برآمد

ضلع راجوری میں سکیورٹی فورسز نے آج تلاشی مہم کے دوران بڑی تعداد میں اسلحہ و گولہ بارود برآمد کیا ہے۔

جموں و کشمیر کے ضلع راجوری میں آج صبح سیکورٹی فورسز کی جانب سے تلاشی مہم شروع کی گئی تھی، اس دوران بڑی تعداد میں اسلحہ و بارود برآمد کیا گیا ہے۔

فورسز کی جانب سے آج صبح راجوری کے دداسن بالا علاقے کو محاصرے میں لے کر تلاشی مہم شروع کی گئی تھی۔

زرائع کے مطابق پولیس اور آرمی کو مشترکہ طور پر تحصیل تھنہ منڈی کے دداسن بالا علاقے کے بارے میں کچھ خبر ملی تھی، جس کے بعد فوج اور پولیس کی ایک مشترکہ ٹیم نے دداسن بالا اور آس پاس کے علاقوں کو محاصرے میں لے کر سرچ آپریشن شروع کیا تھا۔

واضح رہے کہ گذشتہ دنوں صوبہ جموں کے ہیرا نگر سیکٹر میں بھی بی ایس ایف نے اسلحہ و بارود برآمد کیا تھا، دراصل پاکستان کی جانب سے ایک ڈرون ہیرا نگر سیکٹر کی طرف آرہا تھا، جسے بی ایس ایف نے مار گرایا۔

اس ڈرون سے بھاری تعداد میں اسلحہ و بارود برآمد کیا گیا تھا۔

سیکورٹی فورسز کی جانب سے مسلسل بیان آرہے ہیں کہ پاکستان کی جانب سے عسکریت پسندوں کی مدد کے لیے گولہ بارود بھیجا جا رہا ہے۔