AAP hold public meeting : راجوری میں عام آدمی پارٹی کاواجلاس

پارٹی میں شمولیت اختیار کرنے والوں نے کہا کہ دہلی وپنجاب حکومت کے کاموں کو دیکھتے ہوئے عام آدمی پارٹی میں شمولیت اختیار کررہے ہیں تاکہ اروند کیجری وال کی سربراہی میں جموں و کشمیر میں حکومت بن سکے اور جموں و کشمیر کی عوام کامستقبل روشن ہو۔ AAP hold public meeting

راجوری : جموں و کشمیر کے ضلع راجوری کی تحصیل تھنہ منڈی کی پنچایت پلانگڑھ میں عام آدمی پارٹی کی طرف سے ایک مٹینگ کا انعقاد کیا گیا جس میں عام آدمی پارٹی راجوری کے سینئر لیڈر وجے سوری، ایڈوکیٹ شاہین اعجاذ بھٹی، رکسار حسین شاہ غلام مصطفی، شیخ ندیم ودیگر ممبران نے بھی شرکت کی۔ اس دوران بڑھی تعداد میں علاقہ سے تعلق رکھنے والے لوگوں نے پارٹی میں شمولیت کی جن میں زیادہ تر نوجوان شامل ہیں۔

پارٹی میں شمولیت اختیار کرنے والے لوگوں میں جزبہ دیکھا گیا، پارٹی میں شمولیت اختیار کرنے والوں نے کہا کہ دہلی وپنجاب حکومت کے کاموں کو دیکھتے ہوئے عام آدمی پارٹی میں شمولیت اختیار کررہے ہیں تاکہ اروند کیجری وال کی سربراہی میں جموں و کشمیر میں حکومت بن سکے اور جموں و کشمیر کی عوام کامستقبل روشن ہو۔ انہوں نے کہا کہ ہمیں امیدہے کہ عام آدمی پارٹی آنے والے اسمبلی انتخابات میں کامیابی حاصل کرے گی اور لوگوں کو مصیبت کے جال سے نکالے گی۔

انہوں نے مزید کہا 'جموں وکشمیر کی عوام کئی برسوں سے مشکلات سے دوچار ہورہی ہے عام آدمی پارٹی کے بغیر کوئی بھی اس عوام کا سہارہ نہیں ہے لوگوں نے عام آدمی پارٹی میں شمولیت کرنا فخر سمجھا کہا ہم عام آدمی پارٹی کیلے دن رات محنت کریں گے اور جموں و کشمیر میں حکومت بنانے کی پوری کوشش کریں گے۔'

وہیں پارٹی کےسینئر لیڈران نے پارٹی میں شمولیت کرنے والوں کا خیر مقدم کیا اور لوگوں سےاپیل کی کہ پارٹی کو مظبوط کرنے میں ہماری مدد کریں تاکہ جموں و کشمیر کا مستقبل بہتر ہوسکے، انہوں نے لوگوں سے اپیل کی کہ بڑھ چڑھ کر ان کا تعاون کریں تاکہ آنے والے اسمبلی انتخابات میں ان کی جیت ہو۔