27 Year old Shot Dead in Rajouri: راجوری میں 27 سالہ شخص کا گولی مار کر قتل

سرحدی ضلع راجوری میں ہفتہ کی صبح نامعلوم بندوق برداروں نے 27سالہ شہری پر گولیاں برسا کر اسے ابدی نیند 27 year old Shot Dead in Rajouriسلا دیا۔

سرحدی ضلع راجوری کے بدہل، ترگایں علاقے میں نامعلوم بندوق برداروں نے 27سالہ شہری کے گھر میں گھس کر اس پر اندھا دھند گولیاں چلائیں، جس کے سبب اس کی موقع پر ہی موت 27 year old Shot Dead in Rajouriواقع ہو گئی۔

مقامی باشندوں کے مطابق ہفتہ کی صبح قریب چار بجے ترگاں علاقے کے رہائشی کرامت شاہ ولد علی اکبر کے رہائشی مکان میں چند نامعلوم افراد داخل ہوئے اور کرامت شاہ پر گولیاں برسائیں Man Shot Dead in Rajouriجس کے سبب اس نے موقع پر ہی دم توڑ دیا۔

راجوری پولیس نے موقع پر پہنچ کر کرامت شاہ کی جسد خاکی کو اپنی تحویل میں لیکر پوسٹ مارٹم کے لیے سب ضلع اسپتال پہنچایا۔

طبی و قانونی لوزمات کے بعد میت کو آخری رسومات کے لیے لواحقین کے سپرد کر دیا گیا۔

مقامی باشندوں نے پولیس اور سیول انتظامیہ سے قاتلوں کو فوری طور حراست میں لیکر انکے خلاف کارروائی کیے جانے کا مطالبہ کیا۔

مقامی سرپنچ نے ذرائع ابلاغ کے نمائندوں سے بات کرتے ہوئے کہا: ’’قریب ڈیڑھ برس قبل علاقے کے ایک سماجی کارکن پر بھی اسی طرح گولیاں برسائیں گئیں جس کے سبب اسکی موت واقع ہوگئی۔ مہینوں گزرنے کے بعد بھی آج تک قاتلوں کا سراغ نہیں لگایا جا سکا۔‘‘

انہوں نے پولیس کی سخت نکتہ چینی کرتے ہوئے کہا: ’’ہمیں پولیس سے زیادہ پُر امید نہیں ہے۔ اس سے قبل بھی پولیس قاتلوں کو سراغ لگانے میں ناکام ہو چکی ہے۔‘‘

دریں اثناء بندوق برداروں نے دوران شب ترگاں علاقے کے ایک اور شہری محمد نبی شاہ ولد یاسین شاہ کے گھر میں داخل ہوکر فائرنگ کی تاہم اس واقع میں کئی جانی نقصان نہیں ہوا۔