راجستھان میں گولی مار کر نوجوان کا قتل، انٹرنیٹ خدمات بند

راجستھان کے باراں شہر میں دن دہاڑے ایک نوجوان کو گولی مار کر قتل کر دیا گیا، جس کے بعد ضلع انتظامیہ نے احتیاط کے طور پر پورے شہر میں انٹرنیٹ خدمات کو بند کر دیا ہے اور دفعہ 144 نافذ کر دیا ہے۔

راجستھان کے باراں ضلع میں اتوار کو منڈی کے نزدیک ایک نوجوان پر فائرنگ کر کے اس کا قتل کر دیا گیا جس کے بعد انتظامیہ نے احتیاطاً شہر میں انٹرنیٹ خدمات بند کر دیا ہے اور پورے علاقے میں دفعہ 144 نافذ کر دیا ہے۔ پولیس نے موقع پر پہنچ کر لاش کو ضلع ہسپتال بھیج دیا ہے۔

جانکاری کے مطابق شہر کے منڈی کے نزدیک برسات کے موسم میں ترپال فروخت کرنے والے ایک نوجوان کو کار سے پہنچے نوجوان نے گولی مار دی اور اور اس کے بعد راڈ سے پیٹ پیٹ کر قتل کرنے کے بعد فرار ہو گیا۔

ایس پی ونیت بنسل نے بتایا کہ یہ واردات ہفتہ کو شام 5 بجے کی ہے۔ نوجوان کے سر پر گولی لگی ہے جس سے اس کی موقع پر ہی موت ہوگئی جس کے بعد پولیس نے احتیاط کے طور پر شہر کے اندر انٹرنیٹ خدمات بند کر دیا ہے۔

واردات کی خبر ملتے ہی موقع پر بڑی تعداد میں لوگ جمع ہو گئے اور ہنگامہ کرنے لگے جنہیں پولیس نے سمجھا بجھا کر گھر بھیج دیا۔ پولیس نامعلوم لوگوں کو تلاش کر رہی ہے۔