راجستھان میں ضلع الور کے بڑودامیو تھانہ علاقہ میں پولس نے شوہر کے قتل کے الزام میں اس کی بیوی کو گرفتار کرلیا ہے۔
تھانہ انچارج دنیش کمار نے بتایا کہ 14 اگست کو شیتل گاؤں کے شاہ رخ کادھار دار اسلحہ سے قتل کردیا تھا۔ مرنے والے کے بھائی کی رپورٹ کے بعد پولس نے سرجینہ کو آج گرفتار کیا۔ پولیس ملزم خاتون سے قتل کی وجوہات کا پتہ لگا رہی ہے۔
پولس کے مطابق سرجینہ نے پوچھ گچھ میں بتایا ہے کہ 14 اگست کی رات کو اس کے شوہر شاہ رخ کے ساتھ گھریلو باتوں پر جھگڑا ہوگیا جس میں شاہ رخ نے اس کے ساتھ مارپیٹ کی تھی۔ اس نے بتایاکہ شوہر سے انتقام لینے کے لئے اس نے صبح چار بجے اٹھ کر نیند میں سوتے ہوئے دھار دار اسلحہ سے اس کا قتل کردیا ۔
یہ بھی پڑھیں:اجمیر شریف درگاہ میں تعمیری کاموں کا آغاز
