باقاعدہ شب برات اور ہولی کو لے کر راجستھان پولیس کی جانب سے یہ ایک نوٹیفیکیشن بھی جاری کیا گیا ہے۔ اس نوٹیفیکیشن میں یہ کہا گیا ہے کہ ہولی اور شب برات کے موقع پر جو بڑے پروگرام ہوتے ہیں وہ اس مرتبہ نہی ہوں گے۔ وہیں عوام سے یہ بھی اپیل کی گئی کہ وہ ان دونوں ہی تہوار کو گھروں میں ہی منائیں۔
پولیس کی طرف سے لیے گئے اس فیصلے کو لے کر اب مسلسل مخالفت ہوتی ہوئی نظر آرہی ہے۔
عوام کا کہنا ہے کے راجستھان میں سیاسی پروگراموں کو پولیس کی جانب سے اجازت دی جاتی ہے اور پولیس ان سیاسی پروگراموں میں انتظامات کرتی ہوئی نظر آتی ہے۔
لیکن جب کوئی بھی مذہبی پروگرام منعقد ہوتا ہے تو پولیس کسی طرح سے نوٹیفیکیشن جاری کر دیتی ہے۔
عوام کا کہنا ہے کہ یہ ہولی اور شب برات ایک بڑا ہی مقدس تہوار ہے۔ اس طرح کی پابندی ان دونوں ہی تہوار پر صحیح نہیں ہے۔ عوام نے یہاں پر حکومت سے سوال کیا کہ کورونا وبا میں اضافہ ہونے کے پیچھے کیا صرف مذہبی پروگرام ہی ہے۔