اجمیر: درگاہ میں دعاؤں کے ساتھ سال نو 2021 کا استقبال

سال نو 2021 کے استقبال اور خیر مقدم سے سارے عالم میں گزشتہ شب خوشیاں کی رونق دیکھی گئی۔

ریاست راجستھان کے شہر اجمیر میں واقع خواجہ غریب نواز کی درگاہ میں بھی عقیدت مندوں نے اپنی نیک دعاؤں کے ساتھ نئے سال 2021 کا خیرمقدم کیا۔

اس موقع پر خواجہ صاحب کے آستانہ شریف میں پھولوں کا گلدستہ پیش کیا گیا اور سال نو کی آمد پر کورونا وبا کے خاتمے اور انسانی زندگی میں خوشیوں کی باہر کی دعا مانگی گئی۔

اجمیر: درگاہ میں دعاؤں کے ساتھ سال نو 2021 کا استقبال

درگاہ شریف کے احاطہ نور میں خادموں کی جانب سے عوام کی خوشحالی اور ملک کی سلامتی ترقی کی فریاد پیش کی گئی۔

اس موقع پر زائرین اور خادم تمام عقیدت مند موجود رہے۔ گزشتہ شب بارہ بجتے ہی خواجہ صاحب کی بارگاہ میں گلدستہ اور تبرکات پیش کیے گئے۔

جسے آخر میں عقیدت مندوں میں تقسیم کیا گیا اور نئے سال کی خوشیاں منائی گئی۔