وشنو دت خودکشی معاملہ، سی بی آئی کے سپرد

راجستھان کے چورو میں واقع راج گڑھ پولیس اسٹیشن کے افسر وشنو دت وشنوئی کی لاش 23 مئی کو ان کے سرکاری کوارٹر میں پھندے سے لٹکی ہوئی ملی تھی۔

واقعے کی اطلاع ملنے پر محکمہ پولیس میں ہلچل مچ گئی۔ ڈی جی پی بھوپیندر سنگھ یادو نے ایک اے ڈی جی سطح کے افسر کو ہدایت دی ہے کہ وہ اس معاملے کی تحقیقات کے لئے راج گڑھ جائیں۔

واضح رہے کہ اس واقعے کے بعد ریاست میں سیاسی ہلچل تیز ہوگئی ہے۔ ایک طرف بی جے پی کانگریس پر تنقید کر رہی ہے تو دوسری طرف بی ایس پی نے بھی اس سلسلے میں سی بی آئی انکوائری کا مطالبہ کرتے ہوئے ایک میمورنڈم پیش کیا تھا۔ تاہم ، ان سبھی کے درمیان جمعرات کے روز وزیر اعلی اشوک گہلوت نے معاملہ سی بی آئی کے حوالے کرنے کا حکم دیا۔