Chittorgarh MP Slap Worker رکن پارلیمان نے سرکاری ملازم کو تھپڑ رسید کر دیا

مدھیہ پردیش کے چتوڑ گڑھ سے رکن پارلیمان چندر پرکاش جوشی نے رشوت خوری کی شکایت ملنے پر ایک سرکاری دفتر کا دورہ کیا اور جب ایک ملازم نے رشوت لینے کا اعتراف کیا تو رکن پارلیمان نے اسے تھپڑ رسید کر دیا۔ اس واقعہ کا ویڈیو وائرل ہو رہا ہے۔ Viral Video of Chittorgarh MP

چتوڑ گڑھ:مدھیہ پردیش کے چتوڑ گڑھ سے رکن پارلیمان چندر پرکاش جوشی پرتاپ گڑھ کے نارکوٹکس ڈپارٹمنٹ Narcotics Department Pratapgarh میں یومیہ مزدور کے خلاف رشوت ستانی کی شکایت سے اس قدر ناراض ہوئے کہ انہوں نے ایک ملازم کو تھپڑ رسید کر دیا۔ درحقیقت محکمہ نارکوٹکس میں افیم کے لائسنس کی تقسیم کے دوران کسانوں سے لائسنس کی تبدیلی اور تقسیم میں غیر قانونی وصولی کی شکایات موصول ہورہی تھیں۔ ان شکایات کو سمجھنے کے لیے رکن پارلیمان دفتر پہنچے تھے۔ وہاں افسران اور ملازمین کی سرزنش کی گئی اور پھر اس ملازم کو بلایا گیا جس کے خلاف سب سے زیادہ شکایات موصول ہو رہی تھیں۔

اس دوران چندر پرکاش جوشی نے ایک ملازم سے رشوت خوری پر بات کی تو اس نے 5 ہزار روپے لینے کا اعتراف کیا۔ بس پھر کیا تھا چندر پرکاش جوشی آگ بگولہ ہوگئے اور رشوت خور ملازم کو تھپڑ رسید کر دیا۔ اس واقعہ کا ویڈیو وائرل ہوا ہے۔