Jaipur Police over Alleged Pro Pakistan Slogan: پاکستان زندہ آباد کے نعرے والا ویڈیو فرضی، جے پور پولیس

پولیس نے کہا اسدالدین اویسی کی موجودگی میں پاکستان زندہ باد کا کوئی نعرہ نہیں لگا، جس کسی نے بھی یہ ویڈیو اور پیغام وائرل کیا ہے اس کو ہم تلاش کر رہے ہیں۔ پولیس افسران کا کہنا ہے کہ جو بھی اس ویڈیو کو وائرل کر رہا ہے، اس کے خلاف ہم کارروائی کریں گے۔ Video of Pro Pakistan Slogan is Fake Says Jaipur Police

جے پور:اے آئی ایم آئی ایم کے چیف اور حیدرآباد سے رکن پارلیمان اسدالدین اویسی گذشتہ روز راجستھان کے دارالحکومت جے پور کے دورے پر تھے۔ اس دوران وہ تراویح کی نماز ادا کرنے کے لیے جے پور کی ایک مسجد پہنچے تھے۔ مسجد سے باہر نکلنے کے بعد اسد الدین اویسی کے حامیوں نے اسد الدین اویسی کے حق میں نعرے بازی بھی کی تھی۔ Video of Pro Pakistan Slogan Was Fake Says Jaipur Police

مسجد کے باہر کا ایک ویڈیو سوشل میڈیا پر چند لوگوں کی جانب سے وائرل کر دیا گیا۔ وائرل ویڈیو کے ساتھ ایک پیغام بھی وائرل کیا گیا جس میں دعویٰ کیا گیا کہ اسد الدین اویسی کی موجودگی میں پاکستان زندہ باد کے نعرے لگائے جا رہے ہیں۔ یہ ویڈیو سوشل میڈیا پر گروپ میں وائرل ہونے لگا، پولیس کے پاس بھی ویڈیو پہنچا۔

پولیس افسران کی جانب سے اس معاملے کو لے کر یہ کہا گیا کہ یہ پورا معاملہ فرضی ہے۔ اسد الدین اویسی کی موجودگی میں کسی طرح کا پاکستان کی حمایت میں کوئی بھی نعرہ نہیں لگایا گیا، جس کسی نے بھی یہ ویڈیو اور پیغام وائرل کیا ہے اس کو ہم تلاش کر رہے ہیں۔ پولیس افسران کا کہنا ہے کہ جو بھی اس ویڈیو کو وائرل کر رہا ہے اس کے خلاف ہم کارروائی کریں گے۔ Jaipur Police over Alleged Pro Pakistan Slogan