Vande Bharat Express Trail Run in Ajmer اجمیر میں وندے بھارت ٹرین کا ٹرائل رن

اجمیر میں وندے بھارت ٹرین کے ٹرائل رن کامیاب آزمائش کی گئی۔ ٹرائل کے دوران وندے بھارت ٹرین اجمیر سے دہلی کے لیے روانہ ہوئی۔ اس دوران 110 سے 130 کیلو میڑ فی گھنٹے کی رفتار سے ٹرین دوڑائی گئی۔اجمیر میں تین دنوں تک وندے بھارت ٹرین کا ٹرائل کیا جائے گا۔ اپریل کے پہلے ہفتے سے وندے بھارت ایکپسریس کی خدمت شروع ہوجائیں گی۔ Vande Bharat Express Trail Run In Ajmer

اجمیر: بھارت کی دوسری ریاستوں کی طرح راجستھان میں بھی وندے بھارت سیمی ہائی اسپیڈ بیلٹ ٹرین کی آزمائش کا سلسلہ جاری ہے۔ اجمیر۔دہلی کے درمیان 110 سے 130 کیلو میٹر کی رفتار سے وندے بھارت ایکسپریس کا ٹرائل رن کیا جا رہا ہے۔ اجمیر میں یہ ٹرائل رن تین دنوں تک جاری رہے گا۔

ریلوے انتظامیہ کی جانب سے ٹرین چلانے کی تاریخ اور کرایے کی فہرست جلد جاری کی جائے گی۔ جدید سہولیات سے لیس وندے بھارت ٹرین میں ہر کوچ میں ریلوے اہلکار ٹرین کے نظام کے بارے میں مسافروں کی رہنمائی کریں گے۔ مثال کے طور پر ہوائی جہاز میں سفر شروع کرنے سے پہلے ایئر ہوسٹس میزبان مسافروں کو سکیورٹی اور دیگر سہولیات کے بارے میں جانکاری فراہم کرتی ہیں، اسی طرز پر ریلوے انتظامیہ نے اس ٹرین میں بھی انتظامات کیے ہیں۔

مسافروں کو یہ سہولت دی گئی ہے کہ وہ ہر کوچ میں لوکو پائلٹ تک مسئلہ سے متعلق پیغام پہنچا سکتے ہیں۔ ٹرین کا کاک پٹ ہیلی کاپٹر کی شکل میں ہے۔ لوکو پائلٹ سوئچ دبا کر ٹرین شروع کر سکتا ہے۔ کوئی مسافر اپنی مرضی سے دروازے نہیں کھول سکے گا۔ ٹرین تبھی چلے گی جب اس کے تمام دروازے بند ہوں گے۔

جدید ٹرین میں لوکو پائلٹ کا عملہ خود بخود اس طرف دروازے کھول دے گا جہاں پلیٹ فارم آئے گا۔ اس کے دروازے اس وقت تک نہیں کھلیں گے جب تک کہ ٹرین پلیٹ فارم پر مکمل طور پر رک نہیں جاتی۔ اس طرح کی متعدد جدید سہولیات سے آراستہ وندے بھارت ٹرین کے کامیاب ٹرائل رن کے بعد اپریل کے پہلے ہفتے میں اس کی خدمت باقاعدہ شروع کر دی جائیں گی۔