چند لوگوں کی موجودگی میں عرس تقریب

حضرت سیدنا غوث اعظم رحمۃ اللہ علیہ کے بڑے صاحبزادے حضرت سیدنا سیف الدین عبدالوہاب جیلانی رحمۃ اللہ علیہ کا مزار ریاست راجستھان کے ناگور ضلع ہیڈ کوارٹر پر واقع ہے۔

ہر برس اسلامی سال کی دسویں ماہ کی 24 اور 25 تاریخ کو ان کا عرس مبارک عقیدت احترام کے ساتھ منایا جاتا ہے۔

کل اتوار اور پیر کے روز ان کا عرس منایا جائیگا۔ ان کے عرس مبارک میں شرکت کرنے کے لئے کثیر تعداد میں عقیدت مندوں کا ہجوم بھی ناگور پہنچا کرتا ہے۔ لیکن عالمی وبا کورونا کی وجہ سے مسلسل دوسری مرتبہ ایسا ہورہا ہے کہ عرس مبارک دھوم دھام کے ساتھ نہیں منایا جائے گا۔

جن لوگوں کو حکومت کی جانب سے یہاں پر خدمت کے طور پر مقرر کیا گیا ہے وہی تمام لوگ یہ عرس منائیں گے اور تمام رسم و روایت کو مکمل کیا جائے گا۔

چند لوگوں کی موجودگی میں عرس منایا جائیگا

درگاہ کے سجادہ نشین سید صداقت علی جیلانی نے بتایا کہ کورونا وبا سے قبل یہاں پر عرس مبارک کے موقع پر ہزاروں کی تعداد میں لوگوں کا ہجوم نظر آیا کرتا تھا۔

لیکن تاریخ میں دوسری مرتبہ ایسا ہو ہے جب محض چند لوگ ہی یہاں پر اس عرس منا رہے ہیں۔

انہوں نے بتایا کہ درگاہ شریف میں جو بھی روایت ادا کی جائے گی اس کا سوشل میڈیا کے ذریعے لائیو بھی دکھایا جائے گا۔