اردو اساتذہ نے وزیر اعلیٰ سے ملاقات کی

ریاست راجستھان کے اردو اساتذہ نے وزیر اعلی اشوک گہلوت سے ملاقات کی اور اردو سے متعلق پریشانیوں کے بارے میں بتایا۔

ریاست کے سرکاری اسکول میں اپنی خدمات انجام دے رہے اردو اساتذہ نے آج ریاست کے وزیراعلی اشوک گہلوت سے ملاقات کی۔ یہ ملاقات انہوں نے ریاستی اردو اساتذہ تنظیم کے بینر تلے کی۔

اردو اساتذہ سیول لائن فاٹک کے پاس واقع وزیراعلیٰ کے گھر کے باہر جمع ہوئے اور پھر یہاں پر وزیراعلیٰ سے ملاقات کرتے ہوئے ریاست میں اردو کے حالات کے بارے میں تفصیل سے بتایا۔انہوں نے کہا کہ موجودہ وقت میں اردو مضمون کی حالت کافی زیادہ خستہ ہوچکی ہے اس لیے اس کو پٹری پرلانے کیلئے جلد سے جلد کاروائی کی جائے۔ اس موقع پر جے پور کے اردو اساتذہ موجود رہے۔

ریاستی اردو اساتذہ تنظیم کے ریاستی صدر آمین قائم خانی نے بتایا کہ آج ا یسے کا امتحان بھی ہو چکا ہے اور آنے والے وقت میں سالانہ امتحان بھی منعقد ہوں گے۔ ایسے میں اردو طلبہ نے آج بغیر اردو کے کتابوں کے ہی امتحان دیے ہیں۔
انہوں نے مزید کہا کہ آج وزیراعلیٰ کا دربار لگا ہے تو ہمیں یہاں سے یہ امید ہے کی وہ اردو کے لئے کچھ نہ کچھ ضرور کریں گے۔