مہیندر مینا قتل معاملہ میں مزید دو ملزمان گرفتار

مہیندر مینا قتل معاملے میں پولیس نے مزید دو ملزمان کو گرفتار کرلیا ہے پولیس سپرنٹنڈنٹ سدھیر چودھری نے بتایا کہ پولیس نے وکاس بھرتیاں اور رام بھولا مینا نام کے شخص کو گرفتار کیا ہے۔

ریاست راجستھان کے سوائی مادھو پور میں پولیس کو بڑی کامیابی حاصل ہوئی ہے۔ دراصل مہیندر مینا قتل معاملے میں پولیس نے مزید دو ملزمان کو گرفتار کرلیا ہے پولیس سپرنٹنڈنٹ سدھیر چودھری نے بتایا کہ پولیس نے وکاس بھرتیاں اور رام بھولا مینا نام کے شخص کو گرفتار کیا ہے۔

دراصل 29 مئی کی رات کھیڈلی فاٹک کے قریب علاقہ سروال کے رہائشی مہیندر مینا کو باہمی دشمنی کے سبب کچھ لوگوں نے گولی مار دی تھی۔ جس کی وجہ سے مہندر مینا کی موت ہوگئی۔

اس معاملے میں چار لوگوں کو نامزد کرتے ہوئے مقتول مہیندر مینا کے بھائی دھرمیندر مینا نے کوتوالی پولیس تھانہ میں قتل کا مقدمہ درج کروایا تھا۔ قتل کے اس معاملے میں پولیس نے کارروائی کرتے ہوئے پہلے ہی دو ملزمان کو گرفتار کر چکی تھی۔ ساتھ ہی پولیس نے اسلحہ فراہم کرنے والے دو دیگر ملزمان کو بھی گرفتار کرلیا ہے۔

وہیں پولیس نے قتل کے اہم ملزم وکاس عرف بھرتیاں اور رامبھولہ کو بھی گرفتار کر لیا ہے، پولیس سپرنٹنڈنٹ کے مطابق ایک اور ملزم مفرور ہے، جسے جلد ہی گرفتار کرلیا جائے گا۔

واضح رہے کہ مہندر مینا قتل معاملے میں پولیس نے اب تک 6 ملزمان کو گرفتار کیا ہے۔ پولیس کے ذریعہ گرفتار تمام ملزمان کے خلاف پہلے بھی متعدد فوجداری مقدمات درج کئے جا چکے ہیں۔

فی الحال پولیس معاملے کی تفتیش کر رہی ہے۔