ادے پور: ریمڈیسیور انجکشن کی بلیک مارکیٹنگ، دو افراد گرفتار

ملک اور راجستھان میں کورونا کے معاملوں میں مسلسل اضافے کے بعد آکسیجن سلنڈروں اور ریمیڈیسیور انجیکشن کی مانگ میں اضافہ ہوا ہے۔

کورونا وبا کی لہر کے درمیان کچھ لوگ دواؤں اور انجکشن کی بلیک مارکیٹنگ میں مصروف ہیں۔ ادے پور میں پولیس نے ریمڈیسیور انجکشن کی بلیک مارکیٹنگ کے الزام میں دو لوگوں کو گرفتار کیا ہے۔

وہیں، کوٹہ میں آکسیجن سلنڈروں کی بلیک مارکیٹنگ کا معاملہ بھی سامنے آیا ہے۔

ملک اور ریاست میں کورونا کیسز میں مسلسل اضافہ ہورہا ہے۔ اس تباہی کے وقت ریمیڈیسیور انجکشن کی کمی ہے۔ اسی کے ساتھ ہی کچھ لوگ اس کا فائدہ اٹھا رہے ہیں۔ ادے پور میں پولیس نے ریمڈیسیور انجیکشن کی بلیک مارکیٹنگ کے الزام میں دو لوگوں کو گرفتار کیا۔

ادے پور میں کورونا انفیکشن کے کیسز دن بدنبڑھتے جا رہے ہیں۔

اس درمیان بدھ کے روز پولیس کی ٹیم نے ایک بڑی کارروائی کرتے ہوئے ریمیڈسیور انجکشن کی بلیک مارکیٹنگ کے دو ملزمان کو گرفتار کرلیا ہے۔ یہ دونوں افراد 35 ہزار روپے میں انجیکشن بیچ رہے تھے۔ اس وقت پولیس دوسرے لوگوں سے بھی پوچھ گچھ کررہی ہے جو ان لوگوں سے ملے ہوئے ہیں۔

پولیس کے مطابق اس انجکشن کی بلیک مارکیٹنگ کرنے والا ملزم ایک ڈاکٹر اور میڈیکل کا ایکطالب علم ہے۔ پولیس ان ملزمان کی کال ڈیٹیل کی تحقیقات کر رہی ہے۔

پولیس یہ جاننے کی کوشش کر رہی ہے کہ ان لوگوں نے اب تک کتنے لوگوں کو اپنے دام فریب میں لیا ہے۔

فی الحال پولیس ملزم سے پوچھ گچھ کر رہی ہے۔