Road Accident in Bansur ٹریکٹر ٹرالی پلٹنے سے ایک خاتون ہلاک، 18 زخمی

ضلع الور کے بانسور میں عقیدت مندوں سے بھری ٹریکٹر ٹرالی پلٹ گئی ۔ اس حادثے میں ایک خاتون ہلاک جب کہ دیڑھ درجن افراد زخمی ہوگئے۔ Road Accident in Bansur

الور: راجستھان کے ضلع الور کے بانسور تھانہ علاقے کے تحت نارائن پور روڈ پر گیروڈی کے نزدیک ماتا کے درشن کے لیے جا رہے عقیدت مندوں سے بھری ٹریکٹر ٹرالی کے پلٹ جانے سے ایک خاتون کی موت ہو گئی اور ڈیڑھ درجن لوگ زخمی ہو گئے۔

موصولہ اطلاع کے مطابق ٹریکٹر ٹرالی میں 30 سے ​​35 مسافر ناگلیڈی منڈاوارہ سے سارند ماتا کے درشن کرنے جارہے تھے کہ بنسور کے گیروڈی میں مسافروں کی ٹریکٹر ٹرالی غیر متوازن ہوکر پلٹ گئی۔ ٹریکٹر ٹرالی میں 30 سے ​​35 مسافر سوار تھے جن میں خواتین، مرد اور چھوٹے بچے شامل تھے۔ جس میں 18 سے زائد مسافر شدید زخمی ہو گئے۔ جنہیں ایمبولینس کی مدد سے بنسور سی ایچ سی لایا گیا۔ Road Accident in Bansur

خاتون مسافر نرمدا دیوی (55 سال) کی ہسپتال میں علاج کے دوران موت ہوگئی۔ زخمی آٹھ مسافروں کی حالت تشویشناک ہونے پر کوٹ پٹلی ریفر کر دیا گیا۔زخمیوں میں بلورام، لالی دیوی، راموتار، کملیش دیوی، روپا دیوی، دیا دیوی، ارمیلا، کوشلیا، کالی، دیپک، اوگنتا دیوی، سونو، اجے، منوج، دولت، پنکی دیوی، روہت، ببلو شامل ہیں۔

یو این آئی