ریاست راجستھان کے ضلع پالی میں واقع روہٹ علاقے میں ٹڈڈیوں کے حملے کے بعد کسانوں کے کھڑی فصل کو کافی نقصان پہنچا ہے۔
ٹڈڈی معاملہ: کسانوں کو معاوضہ دینے کا اعلان وہیں حکومت نے کسانوں کو معاوضہ دینے کا اعلان کیا ہے۔ حکومت نے روہٹ علاقے میں 95 منتخب کسانوں کو امدادی رقم جاری کردی ہے۔
اس سلسلے میں کلکٹر دنیش چندر جین نے منگل کی شام اس معاوضے سے متعلق معلومات جاری کیں۔ روہٹ علاقہ سب سے خراب بتایا گیا ہے۔ ٹڈیوں نے کسانوں کی فصلوں کو کافی نقصان پہنچا ہے۔
اس کی وجہ سے فوری طور پر گرداوری تیار کی گئی ہے اور ان سبھی کسانوں کے معاوضے کی رقم ان تمام کسانوں کے کھاتوں میں بھیج دی گئی ہے۔
کلکٹر کے ذریعہ جاری کردہ معلومات کے مطابق ، روہت علاقہ کے 104 کسان ٹڈیوں سے متاثر ہوئے۔ ان کسانوں کے کھاتوں میں 17 لاکھ 11 ہزار 836 روپے معاوضے کی رقم جمع کرائی گئی ہے۔ 7 جنوری سے ٹڈڈیوں نے ضلع کے بالی، سومیر پور، پالی اور
روہٹ کے علاقوں میں داخل ہوکر کسانوں کے کھیتوں میں کھڑی فصلوں کو نقصان پہنچایا۔ اس کی وجہ سے ، گرداوری خاص طور پر بنائی گئی تھی۔
مزید پڑھیں: جئے پور میں راہل گاندھی کا خطاب
وہیں ڈسٹرکٹ کلکٹر دنیش چندر جین کے ذریعہ جاری کردہ معلومات کے مطابق ، روہٹ کے بعد ٹڈیوں کی وجہ سے ، پالی کے علاقے کو سب سے زیادہ نقصان پہنچا ہے۔ اس میں 53 کسانوں کی شناخت کی گئی ہے۔ جس میں آملیہ گاؤں کے 3 کسان، اپلا بھیمنا کے 20، تانی کے 2 ، لکشمن پورہ جوڑ کے 14، گوردھن پورہ کے 3 ، مالون کے 4 ، لال پور کے 2 سمیت مالدار کے 5 کسان شامل ہیں۔
