دیوار منہدم ہونے سے ایک ہی خاندان کے تین افراد ہلاک

راجسھتان کے ضلع ہنومان گڑھ میں ہفتہ کے روز ایک کچی دیوار منہدم ہو گئی جس میں ایک ہی خاندان کے 3 افراد ہلاک ہو گئے۔

ضلع ہنومان گڑھ میں ہفتہ کو ایک دردناک خادثہ میں ایک ہی خاندان کے تین افراد کی موت ہو گئی۔ یہ واقعہ ضلع کے ٹببی سالیوال گاؤں میں پیش آیا، جہاں دیوار کی بنیاد رکھتے وقت حادثہ پیش آیا۔ واقعہ کے بعد لوگوں نے تینوں کو باہر نکال کر ہسپتال میں داخل کرایا جہاں ڈاکٹرز نے انہیں مردہ قرار دیا۔

اطلاعات کے مطابق سالیوالا گاؤں میں ہفتہ کو دیوار کی بنیاد رکھتے وقت کچی دیوار منہدم ہو گئی۔ حادثہ میں والد، اور بیٹا سمیت تین افراد نیچے دب گئے۔ حادثہ کے بعد گھر اور گاؤں میں ہنگامہ ہو گیا۔ حادثہ کے بعد قرب و جوار کے لوگوں نے تینوں کو باہر نکال کر ٹببی ہسپتال میں داخل کرایا۔ ڈاکٹرز نے تینوں کو ضلع ہسپتال منتقل کیا۔ ضلع ہسپتال میں ڈاکٹرز نے تینوں کو مردہ قرار دیا۔

ٹببی پولیس کے مطابق حادثہ میں 12 برس کے مکیش، ان کے والد سنت لال اور سنت لال کے چچا زاد بھائی سبھاش کی موت ہو گئی۔ پولیس نے بتایا کہ دونوں چچا زاد بھائی سنت لال اور سبھاش کچی دیوار کے پاس پکی دیوار بنانے کے لیے نینو کھود رہے تھے اور 12 سالہ مکیش قریب میں ہی کھڑا تھا۔ اسی دوران اچانک دیوار منہدم ہو گئی اور تینوں اس کے نیچے دب گئے۔

واقعہ کی اطلاع ملتے ہی سنگریا ورتادھیکاری دنیش راجورا اور ٹببی پولیس موقعہ پر پہنچی اور تفتیش شروع کر دیا ہے۔ فی الحال تینوں کی لاشیں ضلع ہسپتال میں رکھوائے گئے ہیں۔ پولیس کی جانب سے آگے کی کاروائی جاری ہے