ٹیلے پر کھیل رہے تین بچوں کی موت ہوگئی، ایک بچے کی حالت نازک بتائی جارہی ہے۔
اطلاعات کے مطابق ٹوڈپور اور بگوریا کے ڈھانی کے 4 بچے ٹیلے کے نیچے سرنگ نما گھر بناکر کھیل رہے تھے۔
اچانک مٹی کا ٹیلا ڈہہ گیا، جس میں چاروں بچے دب گئے، جن میں 3 بچوں کی موت ہوگئی، تینوں بچوں کی لاش کو سیکر کے ایس کے ہسپتال میں لے جایا گیا، ایک زخمی بچے کو جے پور ریفر کیا گیا ہے۔
پولیس سپرنٹنڈنٹ منیش ترپاٹھی نے خود ہی واقعے سے متعلقہ تصاویر کھینچیں اور واقعے کی وجوہات کو تفصیل سے بتایا۔
انہوں نے بتایا کہ بگوریا کے ڈھانی میں نوڈی کوٹھی کے پاس مکان کے کچھ ہی فاصلے پر 4 بچے ٹیلے کے نیچے سرنگ بناکر کھیل رہے تھے، جب کہ ایک بچہ انہیں دور سے دیکھ رہا تھا۔بچوں نے تقریبا 5 تا 6 فٹ کی سرنگ بنائی تھی، اسی دوران مٹی کا ٹیلا ڈہہ گیا، جس میں بچے دب گئے، اسی دوران دور کھڑے ایک بچے نے ان کے اہلخانہ کو اس کی اطلاع دی۔
پولیس کے مطابق ان بچوں کی شناخت، پرنس مہیش سونی(9)، نشا پرنمل سونی(9)، کرشن سونی سریش سونی(8) ہوئی ہے۔