'سپریم کورٹ کا فیصلہ کسی کی شکست اور کامیابی نہیں'

بابری مسجد معاملے میں سپریم کورٹ کے فیصلے کے بعد اجمیر شریف درگاہ کے دیوان سید زین العابدین علی خان نے فیصلے کا استقبال کیا ہے۔

حضرت خواجہ معین الدین حسن چشتی کی درگاہ اجمیر شریف کے دیوان سید زین العابدین علی خان نے سپریم کورٹ کے ذریعے بابری مسجد معاملے میں فیصلہ سنائے جانے کا استقبال کیا ہے۔

دیوان صاحب کا ماننا ہے کہ خواجہ غریب نواز نے جس طرح امن کا پیغام دیا ہے اسی طرح اب بابری مسجد کے فیصلہ کے بعد ملک کے عوام کو بھی بھائی چارہ کا پیغام دینا چاہیے۔

انہوں نے مزید کہا کہ فیصلہ سپریم کورٹ میں کسی کی عقیدت کو دیکھ کر یہ فیصلہ نہیں لیا گیا بلکہ ملک کے آئین کے مطابق فیصلہ کیا ہے۔

اس میں کسی کی شکست اور کامیابی کی کوئی بات نہیں ہے۔

اجمیر شریف درگاہ کے دیوان سید زین العابدین علی خان نے ملک کے مسلمانوں اور دیگر عقائد کے لوگوں سے بھی گزارش کی ہے کہ وہ ملک میں امن و امان کی فضا کو قائم رکھیں۔

سپریم کورٹ کے فیصلے کے بعد اجمیر شریف درگاہ میں بھی پولیس مارچ کر حفاظتی انتظامات کا جائزہ لیا۔