جے پور: یومیہ مزدور فاقہ کشی پر مجبور

جہاں ہر طرف غریب اور لاچار لوگوں کو انتظامیہ کی جانب سے کھانا تقسیم کرنے کے دعوے کیے جا رہے ہیں۔ وہیں دوسری طرف ریاست راجستھان کے دارالحکومت جے پور کی ریکو انڈسٹریل علاقے میں یومیہ مزدوری کو دو وقت کی روٹی کے لیے جدوجہد کرنی پڑ رہی ہے۔ اس بارے میں انتظامی عہدیدار بات کرنے سے گریز کر رہے ہیں۔

ریاست راجستھان کے دارالحکومت جے پور کی بگرو میونسپلٹی علاقہ کے ریکو صنعتی علاقے میں لاک ڈاؤن کے باعث یومیہ مزدوروں کو دوہری مار جھیلنی پڑ رہی ہے۔ لاک ڈاؤن سے جہاْں فیکٹریوں میں کام بند ہو گیا ہے، وہیں اب ان لوگوں کے لیے کھانے پینے کا بحران بھی پیدا ہوگیا ہے۔ محنت کش طبقے کے افراد کا پیٹ اب نہیں بھر رہا ہے۔

جہاں راجستھان حکومت کا دعویٰ ہے کہ کوئی بھی شخص بھوکا نہیں بنے رہے گا، انتظامیہ ہر ممکن مدد فراہم کرے گی۔ وہیں بگرو بلدیہ کے علاقے میں مزدوروں کو نہ تو راشن کٹ مل رہا ہے اور نہ ہی کھانے کے پیکٹ۔ ایسی صورتحال میں ان لوگوں کا کہنا ہے کہ میونسپل انتظامیہ اپنے پیاروں اور ان سے روز ملنے والوں کو راشن کٹ تقسیم کر رہی ہے۔ لیکن جن کو اس کی ضرورت ہے انہیں ایک بار بھی راشن کٹس فراہم نہیں کی گئیں۔

راجستھان کے دارالحکومت جے پور میں یومیہ مزدور فاقہ کشی پر مجبور

ہفتے کے روز جب ریکو کے علاقے میں سروے کیا گیا تو یومیہ مزدوروں کا کہنا تھا کہ ہمیں ابھی تک کوئی سرکاری مدد فراہم نہیں کی گئی ہیں۔ جب ہم میونسپل آفس جاتے ہیں تو راستے میں پولیس دھمکی دے کر ہمیں واپس بھیج دیتی ہے۔ یہاں تک کہ اگر ہم کسی طرح سے بلدیہ تک پہنچ جاتے ہیں تو بھی بلدیہ کے دروازے نہیں کھولے جاتے ہیں اور ہمیں مایوس واپس لوٹنا پڑتا ہے۔

ان کا کہنا ہے کہ یا تو ہمیں راشن کا سامان مہیا کرائی جائے یا تو ہمیں اپنے اپنے گھروں کو بھیج دیں۔ تاکہ ہم اپنے چھوٹے بچوں کو کھانا کھلا سکیں۔ اگر ہمیں گھر نہیں بھیجا گیا تو ہم کورونا سے مریں گے یا نہیں، لیکن ہم بھوک سے ضرور مر جائیں گے۔