رمضان المبارک کے آخری عشرے کا آغاز

رمضان المبارک کے مقدس ماہ کا تیسرا اور آخری عشرہ 21 ویں رمضان سے شروع ہوجاتا ہے۔ رمضان المبارک کا تیسرا عشرہ جہنم سے آزادی کا ہے۔

ریاست راجستھان کے دارالحکومت جے پور کے قلندری مسجد کے امام مولانا عمران اشفاقی نے بتایا کہ 'رمضان المبارک کے مقدس ماہ کو تین عشروں میں تقسیم کیا گیا ہے، ان تینوں ہی عشروں میں دس دس روزے شامل ہوتے ہیں۔ اس مقدس ماہ کا پہلا عشرہ رحمت کا، دوسرا مغفرت کا اور تیسرا اور آخری عشرہ جہنم سے آزادی کا کہا جاتا ہے۔'

آفاقی نے بتایا کہ 'یہ مقدس ماہ رحمتوں اور عظمتوں کا مہینہ ہے، اس مقدس ماہ میں مسلمان کافی زیادہ عبادات کرتے ہیں۔' انہوں نے بتایا کہ 'آخری عشرہ 21 رمضان سے لے کر 29 یا 30 رمضان تک ہوتا ہے، یہ آخری عشرہ کتنے روز کا ہوگا یہ تو چاند پر ہی طے رہتا ہے۔'

رمضان کا یہ آخری عشرہ جہنم سے آزادی کا ہے، اس آخری عشرے کی خاص بات یہ ہے کہ اس میں ایک عظیم اور مقدس رات آتی ہے جس کو شب قدر کہا جاتا ہے۔ مولانا عمران اشفاقی نے بتایا کہ 'اس رات کی بھی مسلم برادری میں کافی زیادہ اہمیت ہے، وہیں آج رمضان المبارک کے مقدس ماہ کا تیسرا جمعہ بھی ہے۔'