مشر نے 15 اگست کو ان سے ملنے آئے وزیراعلی اشوک گہلوت سے ریاست میں کورونا کے بڑھتے فعال معاملوں پر ہوئی بات چیت کے دوران بھی گہری تشویش ظاہر کرتے ہوئے اس کی روک تھام کےلئے کی جارہی کوششوں پر زور دینے کےلئے کہا تھا۔اس سے پہلے مسٹر مشر گہلوت سے ریاست میں پھیلی اس وبا پر مسلسل بات چیت کرتے رہےہیں۔
انہوں نے بدھ کو ریاست میں بڑھتی وبا کی روک تھام کےلئے کی جارہی کوششوں کے بارے میں طب اور صحت کے وزیر ڈاکٹر رگھو شرما سے بات چیت کی۔
گورنر مشر نے کہا کہ منگل کو ریاست میں کورونا کے 1347 نئے معاملے کی تصدیق ہوئی اور اس بیماری سے گیارہ لوگوں کی موت بےحد ہی تشویش ناک ہے ۔مسٹر مشر نے ڈاکٹر شرما سے کہا کہ ریاست میں کورونا کی روک تھام کےلئے نئے سرے سے حکمت عملی بنائی جائے۔
انہوں نے جے پور ضلع کلیکٹر انتر سنگھ سے بھی ٹیلی فون پر بات کرکے جےپورمیں پہلی بار کورونا کے 247 معاملے ملنے پر تشویش کا اظہار کیا۔انہوں نے ضلع کلیکٹر کو ضلع میں کورونا کی روک تھام کےلئے کی جارہی کوششوں کا جائزہ لینے کی ہدایت بھی دی۔
واضح رہے کہ ریاست میں کورونا کے معاملوں کی تعداد تقریباً 65 ہزار ہوگئی اور اس سے نو سو سے زیادہ لوگوں کی موت ہوچکی ہے۔