راجستھان کے دارالحکومت جے پور کے بھرم پور تھانہ علاقے کے شنکر نگر میں واقع سیوریج پلانٹ میں گزشتہ روز دیر شب گیس رساؤ کا معاملہ سامنے آیا ہے، جس کے بعد سے علاقے میں دہشت کا ماحول ہے۔
مقامی لوگوں نے واقعے کی اطلاع پولیس کو دی جس کے بعد جائے وقوع پر پہنچی پولیس کی ٹیم اور اعلیٰ افسران نے مقامی لوگوں سے علاقے کو خالی کروالیا، حالانکہ تقریباً 5 گھنٹہ کے بعد صبح سات بجے تک حالات پر قابو پالیا گیا، اس کے بعد پھر انتظامیہ کی جانب سے مقامی لوگوں کو اپنے علاقے میں لوٹنے کی اجازت دی گئی۔
اس تعلق سے جب ای ٹی وی بھارت کے نمائندہ نے مقامی باشندوں سے بات کی تو انہوں نے بتایا کہ ہم لوگ صبح سیر کے لیے نکلے تھے تبھی ہمارے چاروں جانب اندھیرا چھانے لگا، جب معاملے کی جانکاری حاصل کرنے کی کوشش کی تو اچانک سانس لینے میں پریشانی ہونے لگی اور سب کی طبیعت بگڑنے لگی۔
اس دوران علاقے کے سبھی لوگ گھر چھوڑ کر بھاگنے لگے کچھ دیر بعد جب حالات قابو میں آئے تو پھر ہم لوگون نے راحت کی سانس لی اور واقعے کی اطلاع انتظامیہ کو دی جس کے بعد موقع پر پہنچے انتظامیہ کے اہلکاروں نے فوراً کارروائی شروع کردی۔