کوٹہ میں طالب علم کی ڈوبنے سے موت

کوٹہ میں بند پڑی کان میں بھرے پانی میں ڈوب جانے سے ایک طالب علم کی موت ہوگئی۔

ریاست راجستھان کے ضلع کوٹہ کے رام گنج منڈی ڈیویژن کے اسکلی گاؤں میں بند پڑی کان میں بھرے پانی میں ڈوب جانے سے ایک لڑکے کی موت ہوگئی۔

اطلاع کے مطابق 16 برس کے شاہ رخ اپنے کچھ دوستوں کے ساتھ کان میں نہانے کے لیے گیا تھا اور یہ سبھی کان کے کنارے بیٹھ کر نہا رہے تھے۔

نہاتے وقت شاہ رخ کا پیر اچانک پھسل گیا اور وہ کان میں ڈوبنے لگا، تیرنا نہیں آنے کے سبب اس کے دوست اسے بچانے کے لیے شور مچانے لگے۔

اس پر آس پاس کام کررہے گرامین کان پر پہنچے اور انہوں نے شاہ رخ کو تلاش کرنے کی کوشش کی لیکن وہ نہیں ملا۔

اطلاع ملنے پر موڈک تھانہ پولیس موقع پر پہنچی اور گرامینوں کی مدد سے شاہرخ کی لاش تلاش کی، لیکن کامیابی نہیں ملی، اور بعد میں ایس ڈی آر ایف ریسکیو ٹیم نے کان کی گہرائی میں ڈوبے شاہ رخ کی لاش اتوار کو باہر نکالا۔

پولیس نے لاش ک پوسٹ مورٹم کے لیے بھیج دیا ہے۔