مرکزی وزیر کی گاڑی پر پتھراؤ

زراعت کے مرکزی وزیر مملکت کیلاش چودھری اور ناگور کے رکن پارلیمنٹ ہنومان بینی وال کی گاڑی پر کچھ لوگوں نے پتھراؤ کیا ہے۔

موصولہ اطلاع کے مطابق یہ واقعہ اس وقت ہوا جب مسٹر چودھری اور مسٹر بینی وال منگل کودیر رات سرحدی علاقہ باڑ میر سے بايتو میں ایک جاگرن میں جا رہے تھے۔

مسٹر بینی وال کی ریاست کے ریونیو وزیر ہریش چودھری پر ایک تبصرہ کو لے کر ناراض کانگریس کارکنوں نے بايتو میں مسٹر بینی وال کے خلاف نعرے بازی کر رہے تھے ۔

اس دوران یہ دونوں رہنما بايتو پہنچے اور نامعلوم افراد نے ان کی گاڑی پر پتھراؤ شروع کر دیا۔ گاڑی کے شیشے ٹوٹ گئے۔ ان دونوں کو کوئی چوٹ نہیں لگی۔

بعد میں پولیس نے بھیڑ کو ہٹا دیا۔ اس واقعہ کے بعد مسٹر بینی وال نے اس کے لئے ہریش چودھری پر الزام لگایا ہے۔

انہوں نے کہا کہ ان کی پارٹی راشٹریہ لوک تانترک پارٹی (رالوپا) اب مسٹر ہریش چودھری کے ہر پروگرام کی مخالفت کرے گی۔ مسٹر کیلاش چودھری نے بھی اس حملے کی مذمت کرتے ہوئے اس پر ناراضگی ظاہر کی ہے۔

قابل ذکر ہے کہ باڑ میر میں صحافیوں سے بات چیت کرتے ہوئے مسٹر بینی وال نے منگل کو مسٹر ہریش چودھری پر تبصرہ کیا تھا۔