جے پور: پتنگ بازی کے دوران پتھراؤ، دو خاتون زخمی

بھارتی ریاست راجستھان کے دارالحکومت جے پور کے نہار گڈھ تھانہ علاقہ کے پٹھانوں کے چوک میں پتنگ بازی کے دوران جمعرات کے روز پتھراؤ کا معاملہ سامنے آیا۔ اس معاملے میں دو خاتون کے زخمی ہونے کی اطلاع ہے۔

وہی پتھراؤ کا معاملہ سامنے آنے کے بعد کثیر تعداد میں پولیس تعینات کر دی گئی ہے۔ پولیس نے بتایا کہ ہم لوگوں کو اطلاع ملی تھی کی پتنگ بازی کو لے کر دو گروپ کے لوگ آمنے سامنے ہیں، جس کے بعد پولیس موقع پر پہنچی اور حالات کو قابو میں کیا۔

پولیس کے مطابق کچھ لوگوں کو حراست میں لیا گیا ہے۔ اور اگر معاملہ زیادہ بڑھتا ہے تو معاملے میں کارروائی کرتے ہوئے گرفتاریاں بھی کی جائیں گی۔

وہی پٹھان چوک علاقے کے مقامی باشندوں کا کہنا ہے کہ ہم لوگ گھروں میں بیٹھے ہوئے تھے، اس درمیان کچھ لوگوں نے پتھر پھینکنا شروع کر دیے، جس میں ہمارے علاقے کی خاتون زخمی ہوگئی ہے۔