جے پور، راجستھان: جے پور ڈیولپمنٹ اتھارٹی (جے ڈی اے) کمشنر روی جین نے سوڈالا ایلیویٹڈ روڈ کا دورہ کرتے ہوئے کہا کہ جے پور میں سوڈالا ایلیویٹڈ روڈ پروجیکٹ کا تقریباً 95 فیصد کام مکمل ہو چکا ہے اور اب اسے جلد ہی عوام کو وقف کر دیا جائے گا۔ مسٹر جین نے بتایا کہ پروجیکٹ کا تقریباً 95 فیصد کام مکمل ہو چکا ہے۔ فی الحال جے ڈی اے منصوبے کے کام کو تیزی سے مکمل کرنے کی کوشش کر رہی ہے۔ گزشتہ تین ماہ میں پری کاسٹ سیگمنٹ بنانے کا کام مکمل کیا جاچکا ہے۔ 113 اسپان میں سے 102 اسپان لانچ کئے جاچکے ہیں اور کام مسلسل جاری ہے۔ انہوں نے بتایا کہ منصوبے کا کام آئندہ مئی میں مکمل کر لیا جائے گا۔ Sodala Elevated Road Project
انہوں نے کہا کہ ٹریفک کا دباؤ کو کم کرنے اور ٹریفک کی ہموار نقل و حرکت کے لئے سوڈالہ ایلیویٹڈ روڈ پروجیکٹ جے ڈی اے کے اہم منصوبوں میں سے ایک ہے۔ اس پروجیکٹ کا جے پور شہر کے وی وی آئی پی ایریا کے وسط میں ہونے کی وجہ سے وی آئی پی موومنٹ، ریلیاں، مختلف معززین کی جے پور آمد کے دوران سیکورٹی وجوہات سے کام میں خلل، ٹریفک پولیس کی جانب سے کام کے آپریشن میں حد سے زیادہ پابندی، متبادل راستوں کی عدم دستیابی کی وجہ سے کام کے دوران موجودہ ٹریفک کا آپریشن وغیرہ ہے۔ کام کی تکمیل کے دوران اسے کووڈ وبا کی دو لہروں سے گزرنا پڑا۔