Protest In Ajmer اجمیر میں منی پوری میں جاری تشدد کے خلاف احتجاج

ضلع اجمیر میں سماجی کارکن اور آئی وی ایف ڈاکٹر ریکھا ورما اور طلبہ یونین کے سابق صدر بھگوان سنگھ چوہان کے حامیوں نے منی پور میں جاری تشدد کے خلاف احتجاج کیا اور میتائی برادری کے لوگوں کی حمایت کیں ضلع کلیکٹر کو صدر جمہوریہ کے نام مہمورنڈم سونپا۔

اجمیر:ریاست راجستھان کے ضلع اجمیر میں گزشتہ کئی مہینوں سے منی پور میں جاری تشدد کے خلاف مختلف تنظیموں کے کارکنان نے جم کر احتجاج کیا۔اس سلسلے میں مزید معلومات دیتے ہوئے سماجی کارکن اور آئی وی ایف ماہر ڈاکٹر ریکھا ورما اور طلبہ یونین کے سابق صدر بھگوان سنگھ چوہان نے کہا کہ منی پور کی میتائی کمیونٹی بھی اس ملک کا اٹوٹ حصہ ہے۔

انہوں نے کہاکہ یہ معاشرہ قدیم قبائلی معاشرے کا حصہ ہے، جو ملک کی قدیم روایات کو برقرار رکھے ہوئے ہے۔ ایسے میں اس سماج کے لوگوں پر حملہ ملک کی یکجہتی اور سالمیت کے لیے نقصان دہ ہے۔ریاست میں بی جے پی کی حکومت ہونے کے باوجود سماج کے لوگوں کے ساتھ جو واقعہ ہو رہا ہے وہ قابل مذمت ہے۔

مطالبہ کیا گیا کی مرکزی حکومت کو فوری طور پر اس اس معاملے میں دخل دینا چاہئے اور منی پور میں این آر سی کو نافذ کرنا چاہئے۔ قابل ذکر ہے کہ گزشتہ چند ماہ سے منی پور میں دو برادریوں کے درمیان نفرت کی دیوار کھڑی ہو گئی ہے۔ جس کی وجہ سے منی پور میں حالات اب بے قابو سے اور نفرت نظر ا رہی ہے ۔ یہی وجہ ہے کہ منی پور میں امن و امان کے لیے ملک کے باشندے دعا کر رہے ہیں۔