راجستھان: کورونا وائرس کی جانچ کےلئے چھ لوگوں کے نمونے بھیجے گئے

راجستھان میں کورونا وائرس کی جانچ کے لئے چین سے آئی ایک لڑکی سمیت اور چھ لوگوں کے نمونے پنے لیب بھیجے گئے ہیں جبکہ جےپور سوائی مان سنگھ اسپتال میں داخل کورونا وائرس کے مشتبہ مریض کی جانچ رپورٹ منفی آئی ہے۔

ڈاکٹر اور محکمہ صحت کے ایڈیشنل چیف سکریٹری روہت کمار سنگھ کے مطابق کورونا وائرس کو پھیلنے کی خبروں اور اخباروں میں خبریں پڑھکر بیکانیر ضلع میں چین سے آئے تین مسافروں نے جمعہ کو بیکانیر کے پی بی ایم اسپتال میں آکر رابطہ کیا۔

اس کے بعد ان تینوں مسافروں کو بیکانیر کے آر این ٹی میڈیکل کالج کے اسپتال کے آئیسولیشن وارڈ مین داخل کرلیاگیا اور ان میں کورونا وائرس کی جانچ کےلئے ان کے نمونے پنے میں واقع نیشنل وائرولوجی لیب میں بھیج دئے گئے۔

کیرالہ ریاست میں ایک کورونا وائرس کا مریض سامنے آنے پر متعلقہ مریضوں کی فلائٹ میں سفر کے دوران ان کے نزدیک بیٹھے مسافروں کے سلسلے میں تحقیقات کرنے پر دو مسافر حال ہی میں ادے پور میں پائے گئے، جن میں ایک خاتون مسافر چین کی رہنے والی اور دوسرا مسافر بھرت پور کا رہنے والا ہے۔

ان دونوں مسافروں کو ادے پورمیں روک کرجانچ کےلئے ادے پور آر این ٹی میڈیکل کالج اسپتال میں داخل کرایاگیا اور ان کے بھی نمونے پنے لیب بھیجے گئے ہیں۔