Shab e Barat and Holi on Same Day: شب برات اور ہولی کا تہوار ایک ہی دن، سرکردہ شخصیات کی عوام سے اپیل

شب برات اور ہولی کا تہوار ایک ہی دن Shab e Barat and Holi on Same Day آنے کے بعد کسی طرح کی کوئی بھی بدنظمی نہ ہو، اس کے لیے راجستھان میں دونوں مذاہب کے سرکردہ افراد عوام سے اپیل کر رہے ہیں کہ اپنے تہوار کے ساتھ ساتھ دوسروں کے مذاہب اور تہواروں کا بھی احترام کریں۔

جے پور میں شب برات اور ہولی کی تیاریوں کے تعلق سے راجستھان پولیس کے ساتھ ساتھ ہندو مسلم تنظیموں کے عہدیداران عوام سے اپیل کرتے ہوئے نظر آرہے ہیں۔ Rajasthan Police appeals to people

مفتی خالد ایوب مصباحی کا کہنا ہے کہ شب برات اور ہولی کا تہوار ایک ساتھ آرہا ہے اس دن فرقہ وارانہ ہم آہنگی دیکھنے کو ملے اس لیے دونوں مذاہب کے لوگ مل کر تہوار منائیں۔

راجستھان حج ویلفیئر سوسائٹی کے جنرل سکریٹری حاجی نظام الدین کا کہنا ہے کے جس طرح سے ہولی اور شب برات کا تہوار ایک روز منایا جائے گا اس دوران کسی بھی مذہب کے لوگوں کو کسی بھی طرح کی کوئی پریشانی نہیں ہونے دی جائے گی۔

ہولی اور شب برات تہوار کے پیش نظر راجستھان پولیس کی جانب سے بھی وقفہ وقفہ سے الگ الگ علاقوں میں ہندو مسلم سماج کے رہنماؤں کے ساتھ میں میٹنگ کی جا رہی ہے۔

پولیس افسران ان تمام مذہبی رہنماؤں سے یہ اپیل کرواتے ہوئے نظر آرہے ہیں کی کسی طرح سے کوئی ماحول خراب کرنے کی کوشش نہ کرے۔