رمضان المبارک کے دو عشرہ کی تکمیل کے بعد تیسرے عشرہ کا آغاز ہوچکا ہے، اس عشرہ کی اہمیت و فضیلت سے متعلق کئی احادیث ہیں،اس عشرے میں مسلمان خصوصی عبادت و ریاضت میں بسر کرتے ہیں اور خالق حقیقی سے جہنم سے خلاصی کے طلب گار رہتے ہیں۔ اس عشرے میں اعتکاف کا بھی اہتمام کیا جاتا ہے۔ People During Itikaf Engage in special worship
ریاست راجستھان کے دارلحکومت جے پور کے مساجد میں ان دنوں اعتکاف کا روحانی ماحول ہے، عالمی وبا کورونا وائر س کا زور کم ہونے کے بعد مسلمان رواں برس مسجد میں عبادت و ریاضت کا اہتمام کررہے ہیں، جے پور کے مساجد میں کثیر تعداد میں لوگ اعتکاف میں بیٹھے ہیں۔ جے پور کی جوہری بازار علاقے میں واقع جامع مسجد میں ستر سے زیادہ لوگ ایک ساتھ اعتکاف میں بیٹھے ہیں،معتکفین اللہ رب العزت کی خوشنودی کے لئے ہمشیہ ذکر و اذکار میں مشغول رہتے ہیں، اہل خیر حضرات کی جانب سے معتکفین کے لئے اجتماعی سحری اور افطار کا اہتمام بھی کیا جا رہا ہے۔
اعتکاف کی فضیلت بیان کرتے ہوئے جامع مسجد کے خادم محمد عمر کا کہنا ہے کہ رمضان المبارک کا مقدس مہینہ رحمتوں اور برکتوں والا مہینہ ہے، اس مہینے میں جتنی نیکیاں کمائی جا سکتی ہے وہ کم ہے، انہوں نے کہا کہ رمضان کے مہینے آخری دس روز کی بات ہی کچھ الگ ہوتی ہے۔