کار اور ٹرک کی ٹکر سے دو معصوم سمیت پانچ ہلاک

راجستھان میں ضلع سروہی کے روہڑا تھانہ علاقے میں بھیمانا کے نزدیک آج صبح کار اور ٹرک کے مابین ٹکر ہو جانے سے دو بچوں سمیت پانچ افراد کی موت ہو گئی جبکہ دیگر پانچ زخمی ہو گئے ۔

اطلاع کے مطابق یہ لوگ ضلع جیسلمیر میں واقع رام دیورا جا رہے تھے، تبھی بھیمانا کے نزدیک قومی شاہراہ پر ان کی کار سامنے سے آ رہی ٹرک سے ٹکرا گئی، دونوں گاڑیوں کی ٹکرا ؤ اتنی شدید تھی کہ کار کے پرخچے اُڑ گئے ۔

کار اور ٹرک کی ٹکر سے دو معصوم سمیت پانچ ہلاک

مقامی لوگوں نے کار میں پھنسے لوگوں کو باہر نکالا جس میں دو بچوں سمیت تین افراد کی موقع پر ہی موت ہو گئی، دیگر زخمیوں کو ابوروڈ ہسپتال پہنچایا گیا جہاں مزید دو افراد نے دم توڑ دیا ۔

واضح رہے کہ مدھیہ پردیش کے رہنے والے یہ لوگ احمد آباد سے دیوتا بابا رام دیو مندر میں درشن کے لئے رام دیوار جا رہے تھے ۔