ضلع اجمیر میں بلیک فنگس کے باعث دوسری موت

راجستھان کے اجمیر میں بلیک فنگس سے دوسری موت کا معاملہ سامنے آیا ہے۔ اجمیر میں کیکڑی سب ڈویژن کے گاؤں پرینہڑا کے رہنے والے اور بلاک سی ایم ایچ او آفس میں تعینات طبی اہلکار پرہلاد وشنو (52) کی بلیک فنگس کی وجہ سے موت ہوگئی۔ ضلع میں یہ دوسری موت ہے۔

اس سے قبل کشن گڑھ سب ڈویژن کے علاقے ارائیں میں بھی ایک ٹیچر کی بلیک فنگس سے موت ہو گئی۔

موصولہ اطلاعات کے مطابق کورونا وائرس کے بعد بلیک فنگس کی گرفت میں آئے پرہلدا وشنو کا علاج پہلے کیکری پھرجے پور اور اس کے بعد بھیلواڑہ میں چلا۔

بھیلواڑہ میں انہوں نے سنیچر کے روز دم توڑ دیا اور خانہ افراد اسے بھلواڑہ سے لے آئے اور پرینہڑا ہی میں ان کی آخری رسومات ادا کی۔

بلیک فنگس کی گرفت میں آنے سے پہلے وہ کورونا انفیکشن سے صحتیاب ہو کر اپنے گاؤں پرانیہڑا آئے اور اس کے بعد بلیک فنگس کی گرفت میں آئے۔ وہ شوگر کے مریض تھے۔

اجمیر کے جواہر لعل نہرو اسپتال میں بلیک فنگس کے لئے قائم خصوصی وارڈ میں 48 مریض داخل ہیں، جن میں سے تین مشتبہ ہیں۔ اسپتال ذرائع کے مطابق چار مریضوں کے آپریشن بھی کئے گئے۔

یواین آئی