راجستھان: ایس ڈی پی آئی کا جے پور میں احتجاج

بھارتی ریاست راجستھان میں آج سوشل ڈیمو کریٹک پارٹی آف انڈیا کی جانب سے احتجاجی مظاہرہ کیا گیا۔

بھارتی ریاست راجستھان کے جےپور میں ایس ڈی پی آئی کے کارکنان سمیت دیگر لوگوں نے راجستھان حکومت کے خلاف شدید نعرے بازی کی اور ایک میمورنڈم راجستھان کے وزیر اعلیٰ اشوک گہلوت کے نام ضلع کلکٹر کو دیا۔

لوگوں کہنا ہے کہ '۔گزشتہ 15 اکٹوبر سے جے پور میں واقع شہید اسمارک پر راجستھان مدرسہ پیرا ٹیچر، راجیو گاندھی پیرا ٹیچر اور شکشا کرمیوں کی جانب سے مستقل کرنے کے مطالبہ کو لے کر احتجاجی مظاہرہ کیا جارہا ہے۔ ہمارا مطالبہ جائز ہے راجستھان حکومت کو جلد سے جلد اس مطالبے کی جانب توجہ دینی چاہئے۔''

ایس ڈی پی آئی کا جے پور میں احتجاج

سوشل ڈیموکریٹک پارٹی آف انڈیا کے عہدیداران کا کہنا ہے کہ 'آج ریاست راجستھان کے تمام ضلع ہیڈکوارٹرس پر احتجاجی مظاہرہ کیا گیا تھا''

انہوں نے مزید کہا کہ '' یہ احتجاجی مظاہرہ راجستھان حکومت کے خلاف کیا گیا تھا، گزشتہ ایک ماہ سے کئی لوگ جے پور کے شہید اسمارک پر بھوکے ہیں لیکن ان لوگوں کی طرف توجہ نہیں دی جارہی ہے۔''