Sarpanch Protest In Ajmer اجمیر میں ضلع پریشد کے سی ای او کے خلاف احتجاج

اجمیر کے سرپنچوں اور دیہی عوامی نمائندوں نے ضلع پریشد کے سی ای او ہیمنت سوروپ ماتھرپرعوام مخالف کام کرنے کا الزام لگاتے ہوئے ضلع کلکٹر سے شکایت کی اور ان کے خلاف کارروائی کا مطالبہ کیا۔ Sarpanch Protest In Ajmer

اجمیر: راجستھان کے اجمیر میں مختلف پنچایتوں اور عوامی نمائندوں نے ضلع پریشد کے سی ای او ہیمنت سوروپ کے خلاف جم کر احتجاج کیا۔ مظاہرے میں شامل لوگوں نے ضلع کلکٹر کو سی ای او کے خلاف تحریری شکایت بھی کی۔ سابق ضلع پریشد رکن اور کانگریس رہنما شکتی سنگھ راٹھور نے کہا کہ ضلع پریشد کے سی ای او ہیمنت سوروپ ماتھر کے خلاف انگنت شکایات ہیں۔ ان سے سرپنچوں کو بڑی شکایت ہے۔ وہ عوام کے مسائل کے حل پر توجہ نہیں دیتے ہیں۔ Sarpanch Protest Against Zilla Parishad CEO In Ajmer Rajasthan

انہوں نے کہا کہ سی ای او سرپنچوں کی بات نہیں سنتے ہیں۔ ان کی وجہ سے کئی ترقیاتی کام ٹھپ پڑے ہوئے ہیں۔ ان کی وجہ سے ریاستی حکومت کی کارکردگی پر سوال اٹھنے لگا ہے۔ ان کا کہنا ہے کہ جب سے ہیمنت سوروپ ماتھر نے سی ای او کا عہدہ سنبھالا ہے، اس وقت سے گاؤں والوں کو سرکاری اسکیمز کا فائدہ نہیں مل رہا ہے۔ ان کی وجہ سے عام لوگوں کو پریشانیوں کا سامنا کرنا پڑ رہا ہے۔ Sarpanch Protest Against Zilla Parishad CEO In Ajmer Rajasthan