لاک ڈاؤن میں پھنسے مہاجر مزدوروں کو راحت دلانے کا مطالبہ

راجستھان کے ریونیو وزیر ہریش چودھری نے وزیر اعظم نریندر مودی کو خط لکھ کر دیگر ریاستوں میں پھنسے مزدوروں کو راحت دلانے کا مطالبہ کیا ہے۔

راجستھان کے ریونیو وزیر ہریش چودھری نے وزیر اعظم نریندر مودی کو مکتوب ارسال کر کے ملک میں كورونا وبا کے سبب لاک ڈاؤن بڑھنے سے راجستھان کے دیگر ریاستوں میں پھنسے ہوئے مہاجر مزدوروں کو راحت دلانے کا مطالبہ کیا ہے۔

ہریش چودھری نے مکتو ب میں لکھا ہے کہ لاک ڈاؤن پارٹ-2 نافذ ہونے کے بعد جنوبی ہندوستان کی ریاستوں میں مغربی راجستھان سمیت ریاست بھر کے ہزاروں مزدور ملک کی مختلف ریاستوں میں پھنسے ہیں۔

پہلے 14 اپریل تک لاک ڈاؤن کے ختم ہونے کا انتظار کر رہے، ان مزدوروں کی اب 19 دن مزید لا ک ڈاؤن کے بڑھنے سے تشویش میں مزید اضافہ ہو گیا ہے، ایسے میں مزدور اور ان کے لواحقین بھی فکر مند ہیں۔

انہوں نے وزیر اعظم نریندر مودی سے اپیل کی کہ جو راجستھانی مہاجر دیگر ریاستوں میں پھنسے ہوئے ہیں، ان کے آبائی ضلع تک پہنچانے کے لئے انتظامات کئے جائیں۔