جے پور: روشنی میں نہایا گلابی شہر

ریاست راجستھان کے دارالحکومت جے پور میں کل یوم جمہوریہ بڑے ہی تزک و احتشام کے ساتھ منایا جائے گا، اس موقع پر مختلف پروگراموں کا انعقاد بھی کیا جائے گا، خاص طور پر پرچم کشائی سرکاری محکموں سمیت دیگر مقامات پر کی جائے گی۔

یوم جمہوریہ کے موقع پر بہترین کام کرنے والے لوگوں کو ضلع سطح اور ریاستی سطح پر انعامات دے کر استقبال بھی کیا جائے گا۔

وہیں اگر بات کی جائے راجستھان کی دارالحکومت جے پور کی تو یہاں پر سبھی سرکاری محکموں، عمارتوں اور شہر بھر میں مختلف جگہوں پر روشنی کی گئی ہے، جہاں پر سیاح کثیر تعداد میں آتے ہیں، وہاں پر زیادہ تر جگہوں پر بھارت کے پرچم کے رنگ کی روشنی کی گئی ہے جو اپنے آپ میں الگ ہی منظر دکھاتی ہوئی نظر آرہی ہے۔

اس منظر کو ملک اور دیگر ممالک کے سیاح اپنے کیمروں میں قید کر رہے ہیں۔ واضح رہے کہ اس بار بھارت اپنا 71 واں یوم جمہوریت منا رہا ہے۔ اس موقع پر ریاست کے وزیراعلیٰ اشوک گہلوت کی جانب سے پرچم کشائی صبح آٹھ بجے کی جائے گی۔ وہیں بی جے پی کی طرف سے پرچم کشائی بڑی چوپڑ علاقے میں صبح 8 بجے کی جائے گی۔