راجیو گاندھی کی برسی پر راشن کٹ تقسیم

ریاست راجستھان کے شہر اجمیر میں سابق وزیراعظم راجیو گاندھی کی برسی کے موقع پر کانگریس پارٹی کے کارکنان نے 151 ضرورت مند خاندانوں میں راشن کٹ تقسیم کیے۔

اجمیر شریف میں درگاہ حضرت خواجہ معین الدین چشتی رحمتہ اللہ علیہ کے دربار کے سامنے سابق وزیراعظم آنجہانی راجیو گاندھی کی برسی پر کانگریس کے کارکنان نے خراج تحسین پیش کیا۔ کانگریس کارکنان نے 151 ضرورت مند خاندانوں کو راشن کٹ تقسیم کیے اور انہیں کورونا وائرس سے بچاؤ کے لیے ماسک بھی مہیا کرایا۔

ہر ایک راشن کٹ میں آٹا، آلو، دال، چاول، نمک مرچ، دھنیا، چائے کی پتی اور نمکین دیا گیا۔ ہر ایک خاندان کے لئے تقریبا دس دن کا راشن دے کر راجیو گاندھی کو خراج تحسین پیش کیا گیا۔

اس موقع پر سوشل ڈسٹنس کا خاص خیال رکھا گیا۔ اس موقع پر اجمیر یوتھ کانگریس کے جنرل سیکرٹری محمد شبیر خان، اکبر شیخ، محمد آزاد، عبدالرزاق بھاٹی سمیت کئی کانگریس کارکنان موجود رہے۔

غورطلب ہے کہ لاک ڈاؤن میں اب تک حاجی محمود خان کے ذریعے ہزاروں ضرورت مندوں کو اسی طرح کھانے پینے کا سامان مہیا کرایا جا چکا ہے۔