اجمیر: 'کورونا وبا بیداری مہم' کے تحت بیداری ریلی

عالمی وبا کورونا وائرس کے پھیلاؤ کو روکنے کے لیے بیداری مہم کے تحت ضلع اجمیر پولیس نے ریلی نکالی۔

ریاست راجستھان کے ضلع اجمیر میں کورونا وبا سے محفوظ رکھنے اور لوگوں میں بیداری پھیلانے کے مقصد کے تحت ایک مہم شروع کی گئی ہے۔ شہر کے مختلف مقامات سے ہوتے ہوئے جب ریلی حضرت خواجہ معین الدین چشتی کی بارگاہ سے نکلی تو اژدھام لگ گیا۔
درگاہ شریف کے باہر اس ریلی کا زبردست استقبال ہوا۔ جہاں سرخ قالین بچھائی گئی تھی۔ وہیں نظام گیٹ سے مسلم طبقہ کے لوگوں نے پولیس ٹیم پر پھول نچھاور کیے۔ کورونا وبا سے مقابلے کے لیے اجمیر پولیس نے عوام کو ریاستی حکومت کی گائیڈ لائن پر عمل کرنے کا پیغام بھی دیا۔

اس ریلی میں اجمیر ایس پی کنور راسٹدیپ، ضلع کلکٹر وشموہن شرما سمیت کئی افسران اور سماجی کارکن موجود رہیں۔