رکن پارلیمان کروڑی لال مینا کورونا سے متاثر

راجیہ سبھا کے رکن پارلیمان ڈاکٹر کروڑی لال مینا نے ٹویٹرکے ذریعہ جانکاری دی ہے کہ وہ کورونا مثبت پائے گئے ہیں۔

راجیہ سبھا کے رکن پارلیمان اور بی جے پی کے سینئر رہنما ڈاکٹر کروڑی لال مینا جمعرات کی رات کورونا مثبت پائے گئے ہیں۔ جس کے بعد انہیں جے پور کے مہاتما گاندھی اسپتال میں داخل کرایا گیا ہے۔

اس سلسلے میں ڈاکٹر کروڑی لال مینا نے ٹویٹ میں کہا، 'گزشتہ کچھ دنوں سے میری طبیعت ٹھیک نہیں تھی۔

آج میری اور میرے عملے کی کورونا وائرس کی رپورٹ مثبت آئی ہے۔ مجھے مہاتما گاندھی اسپتال جے پور میں داخل کرایا گیا ہے۔ میری گزارش ہے، جو کوئی بھی گزشتہ 10 دنوں میں میرے ساتھ رابطہ میں آئے ہیں انہیں اپنی صحت کا خیال رکھنا چاہئے۔ میں آپ سب کی دعا سے جلد صحت یاب ہوجاؤں گا۔ '

ڈاکٹر کروڑی لال مینا کا ٹویٹ

اس سے قبل بی جے پی کے سابق ایم ایل اے انیتا بھڑیل، ایم ایل اے جورم رام کموات اور سابق پارلیمانی سکریٹری جتیندر گوٹھوال بھی کورونا مثبت پائے گئے تھے۔

دریں اثنا راجستھان میں کورونا سے ہلاکتوں کی تعداد 594 ہوگئی ہے۔ تو وہیں جمعرات کے روز مزید 11 افراد کی موت ہوئی، جبکہ کورونا کے 889 نئے معاملے سامنے آنے کے بعد ریاست میں کورونا وائرس کی مجموعی تعداد 33220 ہو گئی۔